• अर्थ सरोकार सम्बाददाता 

काठमाडौँ । काठमाडौं उपत्यकामा अहिलेसम्मकै धेरै संक्रमित थपिएका छन् । स्वास्थ्य मन्त्रालयले पछिल्लो १४ घण्टा उपत्यकामा ७३७ जनामा कोरोना भाइरस संक्रमण पुष्टि भएको जानकारी दिएको हो ।

काठमाडौंमा ६५२, भक्तपुरमा २५ र ललितपुरमा ६० जनामा संक्रमण पुष्टि भएको स्वास्थ्य तथा जनस‌ंख्या मन्त्रालयले  जनाएको छ । मन्त्रालयका अनुसार काठमाडौंमा २१६ महिला र ४३६ पुरुष संक्रमित थपिएका छन् । यस्तै, भक्तपुरमा १३ महिला र १२ पुरुष तथा लतिलपुरमा २४ महिला र ३६ पुरुष संक्रमित थपिएका छन्। देशभरीमा सबैभन्दा धेरै संक्रमित काठमाडौं उपत्यकामा छन् ।