- अर्थ सरोकार सम्बाददाता
काठमाडौँ । देशभर विभिन्न घटना घट्छन् । केहि सामान्य समाचारका विषय हुन्छन्, केहि समाचारले असामान्य कम्पन पैदा गरिदिन्छन् । केहि तस्विर फगत तस्विरमात्र हुन्छन् भने केहि तस्विरले देश बोल्दछन् । हामी हरेक दिन सातै प्रदेशका त्यस्ता तस्विरहरुलाई प्रकाशन गर्छौँ, जसले देश र जनताको आर्थिक स्थिति प्रतिनिधित्व गर्छ । समसामयिक विषयमा राज्यलाई खबरदारी गर्छ र जनताको जीवन बोल्छ । आज कुन कुन ठाउँमा के के भयो ? यी दृश्यहरु आफैं बोलिरहेछन् ।
आजको अंकमा हामीले पोखरा महानगरपालिका–२५ हेम्जामा हाइग्राउन्ड एड्भेन्चर्स नेपाल प्रा.लि.ले सञ्चालन गरेको बन्जी जम्पमा रमाउँदै गरेका आन्तरिक पर्यटकदेखि म्याग्दीको धवलागिरि गाउँपालिका–७ धारापानीबाट देखिएको गुर्जा र चुरेन हिमालसम्मका दृश्यलाई फोटो समाचारमा समेटेका छौं ।
हेरौं फोटो समाचार :
पोखरा महानगरपालिका–२५ हेम्जामा हाइग्राउन्ड एड्भेन्चर्स नेपाल प्रा.लि.ले सञ्चालन गरेको बन्जी जम्पमा रमाउँदै आन्तरिक पर्यटक ।
म्याग्दीको धवलागिरि गाउँपालिका–७ धारापानीबाट देखिएको गुर्जा र चुरेन हिमाल ।
छेडागाड नगरपालिकाको मनघाटबाट टिम्मुर बिक्री गर्न जाँदै पश्चिम जाजरकोटका स्थानीय व्यापारी । टिम्मुर स्वस्थ र स्वादिष्टका लागि प्रयोग गरिन्छ ।
खोटाङको त्रिधार्मिकस्थल हलेसी अवस्थित बसाहा गुफा भक्तजनबाट अवलोकन ।
बोगटान फुड्सिल गाउँपालिका–५ धिर्कामाडौँमा स्थानीय देवबहादुर बोहरासहित चार जनाले फर्म खोली पालेका कालिज । उनीहरुले एक किलो भाले कालिज रु तीन हजारमा बिक्री गर्छन ।
अर्थमन्त्री विष्णुप्रसाद पौडेल मङ्गलबार बुटवलस्थित कान्ति माध्यमिक विद्यालयको शैक्षिक तथा छात्रबास भवनको शिलान्याश कार्यक्रममा ।
रुपन्देहीको तिलोत्तमा नगरपालिका प्रमुख बासुदेव घिमिरेले आफ्नो सेवा–सुविधा बापतको रकमबाट सामुदायिक विद्यालयमा अध्ययनरत विद्यार्थीका लागि स्थापना गर्नुभएको छात्रवृत्ति मङ्गलबार एक छात्रालाई प्रदान गर्नुहुदै ।
रेडियो नेपालमा २५ वर्ष सेवा गरेका कर्मचारीलाई दिर्घसेवा पदक वितरणपछि कर्मचारीसँग सञ्चार तथा सूचना प्रविधिमन्त्री पार्वत गुरुङ ।
गण्डकी प्रदेशका मुख्यमन्त्री पृथ्वी सुब्बा गुरुङबाट नेपाल पत्रकार महासङ्घ बागलुङ शाखाको १२ औँ वार्षिक साधारणसभाको उद्घाटन
