×

Live on

रेडियो अर्थ सरोकार

Listen to live radio.

देश बोल्ने फोटो कथा : तराईमा ह्वात्तै जाडो बढेपछी सिरक बनाउन व्यस्त कालिगढ, बागलुङमा चिया खेती फष्टाउँदै !

GLOBAL IME BANK
SHREE KESH

देश बोल्ने फोटो कथा : तराईमा ह्वात्तै जाडो बढेपछी सिरक बनाउन व्यस्त कालिगढ, बागलुङमा चिया खेती फष्टाउँदै !

१७ मंसिर २०७७, बुधबार

पढ्न लाग्ने समय: १ मिनेटभन्दा कम

  • अर्थ सरोकार सम्बाददाता
काठमाडौँ । देशभर विभिन्न घटना घट्छन् । केहि सामान्य समाचारका विषय हुन्छन्, केहि समाचारले असामान्य कम्पन पैदा गरिदिन्छन् । केहि तस्विर फगत तस्विरमात्र हुन्छन् भने केहि तस्विरले देश बोल्दछन् । हामी हरेक दिन सातै प्रदेशका त्यस्ता तस्विरहरुलाई प्रकाशन गर्छौँ, जसले देश र जनताको आर्थिक स्थिति प्रतिनिधित्व गर्छ । समसामयिक विषयमा राज्यलाई खबरदारी गर्छ र जनताको जीवन बोल्छ । आज कुन कुन ठाउँमा के के भयो ? यी दृश्यहरु आफैं बोलिरहेछन् ।
 
आजको अंकमा हामीले तराई मधेसमा मङ्सिरको दोश्रो सातादेखि बिहान र साँझमा जाडो बढ्न थालेपछि  सप्तरीको राजविराज नगरपालिका– ३ स्थित सर्वोदय टोलमा न्यानोका लागि सिरक तयारी गर्दै गरेका कालिगढदेखि बागलुङमा चिया खेती फष्टाउँदै गरेकोसम्मका दृश्यलाई फोटो समाचारमा समेटेका छौं । 
हेरौं फोटो समाचार :
तराई मधेसमा मङ्सिरको दोश्रो सातादेखि बिहान र साँझमा जाडो बढ्न थालेपछि सप्तरीको राजविराज नगरपालिका– ३ स्थित सर्वोदय टोलमा न्यानोका लागि सिरक तयारी गर्दै कालिगढ  ।

बागलुङ जिल्लाको काठेखोला गाउँपालिका–७ रेशमा जनकल्याण माध्यामिक विद्यालयले दुई वर्षअघि १० रोपनी जग्गामा लगाएको चिया खेती फष्टाउँदै । 
मकवानपुरको थाहा नगरपालिका–६ वज्रबाराहीमा व्यावसायिक खेतीका लागि तयार पारिएको प्लास्टिक घर ।  तुषारोका कारण हिउँँदमा तीन महिना खेती नहुने थाहा नगरमा प्लास्टिक घर ९टनेल प्रविधि०को विकासले किसान बाह्रै महिना खेती गर्न थालेका छन् । 
नेपाल एसोसिएसन अफ टुर एन्ड ट्राभल्स एजेण्ड (नाट्टा) गण्डकी प्रदेशको आयोजना  पर्यटन पुनःउत्थान लागि बुधबारदेखि शुरु गरिएको चारदिने स्थलगत भ्रमणमा सहाभागीहरु गण्डकी प्रदेश भौतिक पूर्वाधार विकासमन्त्री रामशरण बस्नेतसँग सामूहिक तस्वीरमा ।
कैलालीको जानकी गाउँपालिकाले निर्माण गरेको कबर्ड हल । गाउँपालिकाको करिब रु दुई करोडको लगानीमा निर्माण शुरु भएको कबर्ड हल निर्माणको अन्तिम चणमा छ । कबर्ड हल निर्माणपछि खेलकुदका गतिविधिलाई थप मद्दत पुग्ने अपेक्षा गएिको छ ।
तनहुँको बन्दीपुर गाउँपालिका–२ देखि ३ जोड्ने गरी शुरु गरिएको साइकल लेन निर्माणमा खटिएका श्रमिक । प्रधानमन्त्री रोजगार कार्यक्रममार्फत १५ जना विपन्न श्रमिकलाई रोजगारी दिइएको छ । 
दोलखाको शैलुङ गाउँपालिकाको कार्यालय काटाकुटीमा बुधबार बसेको पालिकाको वार्षिक समीक्षा तथा कोरोना भाइरस रोकथाम स्थानीय समितिको बैठक  । 
काठमाडौँको पशुपति क्षेत्रमा दाउराबाट शव जलाउने स्वच्छ वातावरण मैत्री शवदाह गृह  । शवदाह गृह  एभरेष्ट बैंक लिमिटेडको सहयोगमा निर्माण गरिएको हो ।  
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: