• अर्थ सरोकार सम्बाददाता

काठमाडौँ । देशभर विभिन्न घटना घट्छन् । केहि सामान्य समाचारका विषय हुन्छन्, केहि समाचारले असामान्य कम्पन पैदा गरिदिन्छन् । केहि तस्विर फगत तस्विरमात्र हुन्छन् भने केहि तस्विरले देश बोल्दछन् । हामी हरेक दिन सातै प्रदेशका त्यस्ता तस्विरहरुलाई प्रकाशन गर्छौँ, जसले देश र जनताको आर्थिक स्थिति प्रतिनिधित्व गर्छ । समसामयिक विषयमा राज्यलाई खबरदारी गर्छ र जनताको जीवन बोल्छ । आज कुन कुन ठाउँमा के के भयो ? यी दृश्यहरु आफैं बोलिरहेछन् । 

आजको अंकमा हामीले बैतडी–दार्चुलाको सीमा क्षेत्र शैल्यशिखर नगरपालिका–९ गोकुलेश्वर बजारका एक पसले ग्राहक कुर्दै गरेकोदेखि चिसो बढेसँगै सप्तरीको राजविराजमा लागेको बाक्लो हुस्सुसम्मका दृश्यलाई फोटो समाचारमा समेटेका छौं । 

बैतडी–दार्चुलाको सीमा क्षेत्र शैल्यशिखर नगरपालिका–९ गोकुुलेश्वर बजारका एक पसले ग्राहक कुर्दै ।

चिसो बढेसँगै सप्तरीको राजविराजमा लागेको बाक्लो हुस्सु । हुस्सु लाग्न सुरु भएको र  आज दिउँसो पनि पारिलो घाम नलागेकाले अब तराईमा जाडो बढ्ने स्थानीयवासीको अनुमान छ । 

रावाबेँसी गाउँपालिका–२ खार्पास्थित शिक्षा विज्ञान तथा प्रविधिमन्त्री गिरिराजमणि पोखरेलको जन्मघर । 

दाङको पर्यटकीय क्षेत्र छिल्लीकोटमा केवुलकार निर्माण गर्न अध्ययन गरिएको स्थल । तुलसीपुर उपमहानगरपालिका वडा नं १९ मा पनि सोही ठाउँमा पुग्न केबुलकार जोड्ने योजना अघि बढाइएको छ । 

नुवाकोटको बेलकोटगढी नगरपालिकास्थित सुन्दर एंव मनोरम देखिएको बेलकोटको बस्ती ।

धनगढी उपमहानगरपालिकाका वडा नं १४ को वडा कार्यालय भवनको संयुक्तरुपमा शिलान्यास गर्दै नगर प्रमुख नृपबहादुर वड र उपप्रमुख शुसिला मिश्र भट्ट । 

बर्दियाको कर्णाली नदीमा बनेको कोठीयाघाटको पुल । 

पोखराको फेवातालमा डुङ्गा सयर गर्दा प्रयोग गरिने लाइफ ज्याकेटमा सेनिटाजिङ गर्दै महिला । 

तनहुँको शुक्लागण्डकी नगरपालिका–९ स्थित ढोरवाराही मन्दिर प्राङ्गणमा विवाहमण्डप बनाउने तयारी हुँदै । प्रदेश सरकारको सहयोगमा यहाँ विवाहमण्डप बनाउन लागिएको हो ।  

बागलुङको तमानखोला गाउँपालिका–३ का भेँडापालक किसान भीमबहादुर रोका र उहाँकी श्रीमती सुकमाया भेँडीगोठमा खाना पकाउँदै । रोका दम्पतीले ४०० भन्दाबढी भेँडापालन गरिरहेको छ । 

पोखराको फेवातालमा बुधबार बिहानको कुहिरो र तालमाथि राखिएका डुङ्गा  ।

जिल्लाको व्यासनगरपालिका–३ स्थित भतेरीमा ट्याक्टरद्वारा खेत जोताइँदै । यस स्थान तरकारी खेतीका लागि उपयुक्त मानिन्छ ।