• अर्थ सरोकार सम्बाददाता 

काठमाडौं ।  एनआइसी एसिया बैंकले आफ्ना सेयरधनीहरुको डिम्याट खातामा १९% बोनस सेयर जम्मा गरिदिएको छ । बैंकले मंसिर ९ गतेसम्म सेयर डिम्याट गराएकाहरुको बोनस सेयर खातामा पठाइदिएको हो । 

यस्तै मंसिर ९ पछि डिम्याट गर्नेहरुको बोनस सेयर पनि खातामै जम्मा गर्ने तयारी भइरहेको छ । यता अहिलेसम्म पनि डिम्याट नगरेकाहरुले खातामा बोनस सेयर पाउनका लागि पहिला आफूसँग भएको भौतिक प्रमाणपत्र डिम्याट गर्नुपर्नेछ । अनिमात्र बोनस जम्मा हुने बैंकले जनाएको छ ।