- अर्थ सरोकार सम्बाददाता
काठमाडौं । सिटिजन्स बैंकले पनि आर्थिक वर्ष २०७७/७८ को दोस्रो त्रैमासको वित्तीय विवरण प्रकाशित गरेको छ । बैंकले दोस्रो त्रैमास ८७ करोड ५१ लाख ९३ हजार रुपैयाँ खुद नाफा कमाएको वित्तीय विवरण प्रकाशित गरेको हो । विवरण अनुसार यस अवधिसम्म आउँदा बैंकको प्रतिसेयर आम्दानी १७ रुपैयाँ ८३ पैसा छ भने प्रतिसेयर नेटवर्थ १४३ रुपैयाँ ९५ पैसा छ ।
यस्तै वितरण योग्य नाफा पनि ८४ करोड ८० लाख ४२ हजार रुपैयाँ रहेको छ । खुद ब्याज आम्दानी र सञ्चालन नाफा क्रमश: १२.३९% र २१.५६% ले बढेको सार्वजनिक विवरण उल्लेख छ । बैंकको खराब कर्जा ०.९९% बाट बढेर २.४२% पुगेको छ । पुस मसान्तमा यस बैंकको बेस रेट ८.२५% र स्प्रेड रेट ४.०८% रहेको छ ।
