• अर्थ सरोकार सम्बाददाता 

काठमाडौं । चालु आर्थिक वर्षको दोस्रो त्रैमासमा शाइन रेसुंगा डेभलपमेन्ट बैंकले २६ करोड ११ लाख रुपैयाँ खुद नाफा कमाएको वित्तीय विवरण प्रकाशित गरेको छ । बैंकको यो नाफा गत वर्षको भन्दा १३.१९% थोरै हो । बैंकको वितरणयोग्य नाफा १६ करोड ९८ लाख रुपैयाँ रहेको छ । पुस मसान्तसम्म बैंकले ३२ अर्ब ७२ करोड रुपैयाँ निक्षेप संकलन गरेको छ भने २७ अर्ब १८ करोड रुपैयाँ कर्जा प्रवाह लगानी गरेको छ ।

यस्तै खुद ब्याज आम्दानी र सञ्चालन नाफा क्रमशः १६.८०% र १२.९७% ले घटेको छ । जसकारण बैंकको खुद नाफामा असर पुगेको छ । चुक्ता पुँजी ३ अर्ब ४० करोड रुपैयाँ रहेको यस बैंकको रिजर्भ कोषमा ९३ करोड ७२ लाख रुपैयाँ छ । बैंकको प्रतिसेयर आम्दानी १५ रुपैयाँ ३२ पैसा (वार्षिक) र प्रतिसेयर नेटवर्थ १३२ रुपैयाँ ६८ पैसा रहेको छ ।