• अर्थ सरोकार सम्बाददाता 

काठमाडौ । युनियन लाइफ इन्स्योरेन्सले चालु आर्थिक वर्षको दोस्रो त्रैमासमा ६ करोड ३५ लाख २५ हजार रुपैयाँ नाफा कमाएको छ । कम्पनीको यो नाफा गत वर्षको भन्दा १७.९०% ले थोरै हो । यस अवधिसम्म आउँदा कम्पनीले ३ अर्ब २० करोड रुपैयाँ खुद बिमा शुल्क आर्जन गरेको छ । जुन गत वर्षको भन्दा ३५.२३% ले धेरै हो । यस्तै जीवन बिमा कोष पनि ३ अर्ब ३७ करोड रुपैयाँबाट ६ अर्ब ३ करोड रुपैयाँ पुर्याएको छ । कम्पनीले महाविपत्ति कोषमा ८ करोड १२ लाख रुपैयाँ छुट्याएको छ ।