• अर्थ सरोकार सम्बाददाता 

काठमाडौं । ज्योति विकास बैंकले १ अर्ब ५० करोड रुपैयाँ बराबरको बोन्ड बिक्री गर्ने भएको छ । बैंकले प्रतिइकाई १ हजार रुपैयाँको दरमा १५ लाख इकाई बोन्ड बिक्री गर्न नेपाल धितोपत्र बोर्डसँग अनुमति मागेको हो ।  बैंकले ‘९%, १० वर्ष, ज्योति विकास बैंक बोन्ड २०८७’ बिक्री गर्न बोर्डसँग अनुमति मागेको हो । 

बैंकले १५ लाख इकाईमध्ये ६ लाख इकाई सर्वसाधारणका लागि छुट्याएको छ भने ९ लाख इकाई बैंकले अन्य संघसंस्थालाई बिक्री गर्नेछ । बोन्ड जारी गर्न बैंकले एनआइबीएल एस क्यापिटललाई बिक्री प्रबन्धक नियुक्त गरेको छ । यसमा वार्षिक ब्याजदर ९% तोकिएको छ ।