">
- अर्थ सरोकार सम्बाददाता
काठमाडौं । डिप्रोक्स लघुवित्त वित्तीय संस्थाले चैत २० गते वार्षिक साधारणसभा डाकेको छ । कम्पनीको सभा चितवनको सौराहास्थित मोनालिसा होटलमा बिहान ११ बजे हुने भएको हो । साधारणसभामा यसअघि सञ्चालक समितिले प्रस्ताव गरेको १५ प्रतिशत बोनस सेयर, ५ प्रतिशत नगद लाभांश पारित हुने भएको छ ।
यस्तै सञ्चालक समितिबाट नाडेप लघुवित्तलाई एक्वायर गर्नेगरी गरिएको सम्झौतालाई अनुमोदन गर्ने एजेन्डा पनि राखिएको छ । त्यसबाहेक साधारणसभामा नियमित रुपमा पेश गर्नुपर्ने वार्षिक विवरण, लेखापरीक्षण प्रतिवेदन पारित गर्ने एजेन्डा पनि तय गरिएको छ । सभाका लागि कम्पनीले चैत ९ गतेलाई बुक क्लोजको मिति तोकेको छ ।
