- अर्थ सरोकार सम्बाददाता
काठमाडौँ । साताको कारोबारको पहिलो दिन आइतबार नेप्से घटेको छ । नेप्से परिसूचक ५१.२३ अंकले घटेर २४०७.२५ बिन्दुमा पुगेको छ । नेपाल स्टक एक्सचेन्ज (नेप्से) का अनुसार आज २११ कम्पनीको ९९ लाख ३ हजार ७०४ कित्ता सेयर खरिद बिक्री हुँदा ४ अर्ब ९५ करोडमाथिको कारोबार भएको छ । आज सबैभन्दा बढी कारोबार अपर तामाकोशीको भएको छ ।
यस कम्पनीको ४४ करोड ५६ लाखमाथिको कारोबार भएको छ । त्यसपछि कारोबार क्रमश: निफ्रा र नबिल बैंकको भएको छ । आज २ समूह बाहेकका अन्य सबै समूह घटेका छन् । यस्तै आज सबैभन्दा धेरै चन्द्रागिरी हिल्सका लगानीकर्ताहरुले कमाएका छन् भने हिमालयन पावर पाटनर लिमिटेडका लगानीकर्ताले सबैभन्दा धेरै गुमाएका छन् ।
