अर्थ सरोकार मल्टिमिडिया ब्युरो
काठमाडौँ । संस्कृतिविद् सत्यमोहन जोशीलाई सम्मान गरिएको छ । नगेन्द्र प्रसाद आशालता रिजाल प्रतिष्ठान विराटनगरले सनिबार काठमाण्डौमा कार्यक्रम गरी जोशीलाई सम्मान गरेको हो । नेपालमा भाषा साहित्य र संस्कृति संरक्षण तथा सम्बद्र्धनमा योगदान पुराएवापत संस्कृतिवीद् जोशीलाई १ लाख १ हजार १ सय ११ रुपैया सहित सम्मान गरिएको हो । उहाँलाई नेपाल प्रज्ञा प्रतिष्ठानका कुलपति डाक्टर गंगा प्रसाद उप्रेतिले सम्मान गर्नुभएको हो । उहाँले जोशीले भाषा साहित्य र संस्कृति संरक्षणको क्षेत्रमा अतुलनीय योगदान दिएको भन्दै प्रसंसा गर्नुभयो ।
त्यसैगरी नेपाली कांग्रेसका नेता मिनेन्द्र रिजालले भाषा साहित्य र संस्कृति संरक्षण तथा सम्बद्र्धनमा योगदान पुर्याउनेलाई सबैले सम्मान गर्नुपर्ने बताउनुभयो । संस्थाका सचिव तथा वरिष्ठ साहित्यकार दधिराज सुवेदीले संस्था गठन र गतिविधिका विषयमा जानकारी गराउनुभएको थियो । हेर्नुहोस् भिडियो :
