• अर्थ सरोकार सम्बाददाता

काठमाडौँ । साताको कारोबारको अन्तिम दिन बिहिबार नेप्से घटेको छ । बुधबारको तुलनामा नेप्से परिसूचक २१.२९ अंकले घटेर २५४८.९६ बिन्दुमा पुगेको छ । नेपाल स्टक एक्सचेन्ज (नेप्से) का अनुसार आज २०८ कम्पनीको १ करोड २३ लाख ७६ हजार ७७७ कित्ता सेयर खरिद बिक्री हुँदा ६ अर्ब ४० करोडमाथिको कारोबार भएको छ । आज पनि सबैभन्दा बढी कारोबार निफ्राको भएको छ ।

यस कम्पनीको ८९ करोड ५० लाख ३८ हजारमाथिको कारोबार भएको छ । त्यसपछि कारोबार क्रमश: अपर तामाकोशी हाइड्रोपावर र सिद्धार्थ इन्स्योरेन्सको भएको छ । आज ३ समूह बाहेकका अन्य सबै समूह घटेका छन् । यस्तै आज सबैभन्दा धेरै चन्द्रागिरि हिल्सका लगानीकर्ताले कमाएका छन् भने नेपाल बंगलादेश बैंकका लगानीकर्ताले सबैभन्दा धेरै गुमाएका छन् ।