NABIL AD
Civil Bank

देश बोल्ने फोटो कथा : वीरगञ्जको शङकराचार्यद्वारमा सशस्त्र प्रहरीद्धारा यात्रुको स्वास्थ्य परीक्षण, बागलुङ कालिका मन्दिरमा दर्शनका लागि भक्तजनको भीड

GARIMA BANK AD
  • अर्थ सरोकार सम्बाददाता
काठमाडौं । देशभर विभिन्न घटना घट्छन् । केहि सामान्य समाचारका विषय हुन्छन्, केहि समाचारले असामान्य कम्पन पैदा गरिदिन्छन् । केहि तस्विर फगत तस्विरमात्र हुन्छन् भने केहि तस्विरले देश बोल्दछन् । हामी हरेक दिन सातै प्रदेशका त्यस्ता तस्विरहरुलाई प्रकाशन गर्छौँ, जसले देश र जनताको आर्थिक स्थिति प्रतिनिधित्व गर्छ । समसामयिक विषयमा राज्यलाई खबरदारी गर्छ र जनताको जीवन बोल्छ । आज कुन कुन ठाउँमा के के भयो ? यी दृश्यहरु आफैं बोलिरहेछन् । आजको अंकमा हामीले चैते दशैंका दिन मङ्गलबार बागलुङ कालिका मन्दिरमा लागेको भक्तजनको भीडदेखि भारतबाट नेपाल प्रवेश गर्ने यात्रुलाई मङ्गलबार वीरगञ्जको शङकराचार्यद्वार नजिकै स्वास्थ्य परीक्षण गराउँदै गरेको सशस्त्र प्रहरीसम्मका दृश्यलाई फोटोमा समेटेका छौं ।
हेरौं फोटो समाचारः
भारतबाट नेपाल प्रवेश गर्ने यात्रुलाई मङ्गलबार वीरगञ्जको शङकराचार्यद्वार नजिकै स्वास्थ्य परीक्षण गर्दै सशस्त्र प्रहरी । उक्त नाका प्रयोग गरी नेपाल भित्रिएका यात्रुलाई एनटिजेन किटबाट परीक्षण गर्दा कोरोना भाइरसका ९ सङ्क्रमित फेला परेका छन् ।
चैते दशैंका दिन मङ्गलबार बागलुङ कालिका मन्दिरमा दर्शनका लागि भक्तजनको भीड ।
सुन्दरी डाँडाबाट देखिएको रमणीय बेगनास ताल र माझीकुना । पोखरा महानगरपालिका-३१ माझीकुना बेगनास तालको छेउमा रहेको यो बस्ती माछा पारखीहरुको लागि प्रख्यात मानिन्छ ।
रुखको झ्याउ केलाउँदै दिक्तेल रुपाकोट मझुवागढी नगरपालिका-११, खार्मीका महिला । पाल्ते, घङ्गरु र असारेको रुखमा पाइने धुस्रे रङको झ्याउ कुखुराको मासुसँग पकाएर खाने गरिन्छ । यो झ्याउ पकाएर खाँदा मुटु रोग निको हुने जनविश्वास रहेको छ ।
पोखरा महानगरपालिका-२१, कृष्ति स्वास्थ्य केन्द्रमा प्रयोजनविहीन अवस्थामा रहेको एक्सरे मेसिन । स्वास्थ्य विमा बोर्डले चार वर्षअघि स्वास्थ्य केन्द्रलाई अनुदानमा उपलब्ध गराएको मेसिन दक्ष जनशक्तिको अभावका कारण सञ्चालनमा ल्याउन नसकेको हो ।
बुटवल उपमहानगरपालिका-१ स्थित जितगढी किल्लामा स्थापित कर्णेल उजिर सिंहको शालिकमा मङ्गलबार आयोजित माल्यार्पण कार्यक्रममा सहभागी अतिथि । जितगढी विजय उत्सवका अवसरमा कार्यक्रम गरिएको छ ।
म्याग्दीको बेनी नगरपालिका-४, बास्कुनाका किसानले खाद्य बालीको विकल्पमा बारीमा गरेको सुन्तला खेती ।
Hamro Parto AD
MEGA

प्रतिक्रिया दिनुहोस्

सिफारिस:

BLUE DIAMOND AD
अर्थ सरोकार डटकममा प्रकाशित समाचार शुभम् मिडियाको लिखित अनुमतिविना कतैपनि सम्प्रेषण गर्न मनाही छ । हामी अनुसन्धानमा विश्वास गर्छौं । र आजका हरेक पाठकहरु खोजमूलक समाचारका प्यासी छन् भन्ने हामीले बुझेका छौं । त्यसैले देशका विभिन्न ठाउँहरुमा हाम्रा इन्भेष्टिगेसन ब्यूरोहरु छन् । तपाईंसँग पनि केहि समाचार छन्, वा हाम्रा समाचारप्रति कुनै टिकाटिप्पणी वा सुझाव भए सिधै ९८५१०१७९१४ वा ०१-५१९९१०८ मा सम्पर्क गर्न सक्नुहुनेछ । वा arthasarokarnews@gmail.com मा ई-मेल गर्न सक्नुहुनेछ । तपाईंको परिचय गोप्य राखिनेछ । अर्थ सरोकार समाचार प्रभाव हेर्न यहाँ क्लिक गर्नुहोस् ।

© Shubham Media Pvt. Ltd. All Rights Reserved 2022.

Artha Sarokar® Trademark Registered. Regd. No. : 047796

Maintained By : Eservices Nepal