">
- अर्थ सरोकार सम्बाददाता
काठमाडौँ । ग्लोबल आइएमई बैंकको ८.५ प्रतिशत ब्याजदरको ऋणपत्र सोमबार बाँडफाँड भएको छ । बैंकको १० वर्षे अवधिको ग्लोबल आइएमई बैंक डिबेञ्चर २०८६/८७ नामको ३० लाख कित्ता ऋणपत्र बाँडफाँड गरेको हो ।
कुल कित्तामध्य बैंकले १८ लाख कित्ता व्यक्तिगत तवरबाट बिक्री गरी विभिन्न संघसंस्थाहरुलाई र १२ लाख कित्ता सार्वजनिक निष्कासनमार्फत विक्री गरी आम सर्वसाधारणमा बाँडफाँड गरेको हो । बैंकले चैत १ गतेदेखि १६ गतेसम्म सर्वसाधारण मध्यकोबाट पनि ६० हजार कित्ता सामूहिक लगानी कोषका लागि सुरक्षित गरी ११ लाख ४० हजार कित्ता सार्वजनिक निष्कासनमार्फत बिक्री गरेको थियो ।
यो ऋणपत्र खरिदका लागि न्यूनतम २५ कित्तादेखि अधिकतम १० लाख कित्तासम्म आवेदन दिन सकिने व्यवस्था थियो । यस ऋणपत्रलाई इक्रा नेपालले न्युन कर्जा जोखिमको संकेत गर्ने इक्रा इस्युअर ए माइनस रेटिङ्ग प्रदान गरेको छ । यो ऋणपत्र बिक्री प्रबन्धकको जिम्मेवारी सेञ्चुरी क्यापिटल मार्केट्स लिमिटेडले पुरा गरेको छ ।
