• अर्थ सरोकार सम्बाददाता 

काठमाडौं । रियल टायम ग्रस सेटल्मेन्ट (आरटीजीएस) प्रणाली चैत २८ गते शनिबार र चैत २९ गते आइतबार पनि सञ्चालन हुने भएको छ । नेपाल राष्ट्र बैंकले एक सूचना जारी गर्दै राजस्व संकलनको लागि घोडेजात्राको सार्वजनिक बिदाको दिन पनि बैंक तथा वित्तीय संस्थाहरुलाई आरटीजीएस प्रणाली नियमित सुचारु राख्न निर्देशन दिएको हो । सरकारले आइतबार उपत्यकामा घोडेजात्राको सार्वजनिक बिदा दिएको छ । आरटीजीएस प्रणालीमार्फत चेक नकाटी सीधै एक बैंकको खाताबाट अर्को बैंकको खातामा भुक्तानी गर्न सकिन्छ ।