- अर्थ सरोकार सम्बाददाता
काठमाडौं । रु रु जलुविद्युत परियोजनाले भोलि शुक्रबारदेखि आइपीओ जारी गर्ने भएको छ । कम्पनीले १ सय अंकित मूल्यमा २० रुपैयाँ प्रिमियम मूल्य थप गरेर भोलि शुक्रबारदेखि ४ लाख ७ हजार ७०६ कित्ता आइपीओ जारी गर्ने भएको हो । कम्पनीले कुल आईपीओमध्ये ८ हजार १५४ कर्मचारी र २० हजार ३८५ कित्ता म्युचुअल फन्डलाई छुट्याएको छ भने ३ लाख ७९ हजार १६७ कित्ताका लागि छुट्याईएको छ ।
लगानीकर्ताले कम्पनीको यस आईपिओमा चैत २४ गतेसम्म आवेदन दिन सक्नेछन् । सो समयसम्म बिक्री नभएमा वैशाख ३ गतेसम्म आवेदन दिन सकिनेछ । सो आइपीओमा न्यूनतम १० कित्तादेखि अधिकतम सबै कित्ताका लागि आवेदन दिन सकिनेछ । यसमा बिक्री प्रबन्धकको काम एनएमबि क्यापिटलले गर्नेछ । लगानीकर्ताले सि–आस्वा प्राप्त बैंक तथा वित्तीय संस्था तथा मेरो सेयरमार्फत सेयर भर्न सक्नेछन् । इक्रा नेपालले रु रु जलविद्युत परियोजनालाई ग्रेड ३ रेटिङ दिएको छ ।
