• अर्थ सरोकार सम्बाददाता

काठमाडौँ । साताको कारोबारको अन्तिम दिन बिहिबार नेप्से झिनो अंकले बढेको छ । बुधबारको तुलनामा नेप्से परिसूचक २.७४ अंकले बढेर २६७४.३५ बिन्दुमा कायम भएको छ । 

नेपाल स्टक एक्सचेन्ज (नेप्से) का अनुसार आज २०७ कम्पनीको १ करोड ३२ लाख ४३ हजार ३६५ कित्ता सेयर खरिद बिक्री हुँदा ६ अर्ब ४७ करोडमाथिको कारोबार भएको छ । आज सबैभन्दा बढी कारोबार अपर तामाकोशी हाइड्रोपावरको भएको छ ।

यस कम्पनीको ३६ करोड ७ लाखमाथिको कारोबार भएको छ । त्यसपछि कारोबार क्रमश: निफ्रा र नेपाल बैंकको भएको छ । आज ६ समूह बाहेकका अन्य सबै समूह बढेका छन् । यस्तै आज सबैभन्दा धेरै एनआईसी एसिया लघुवित्तका लगानीकर्ताले कमाएका छन् भने युनिभर्सल पावर कम्पनीका लगानीकर्ताले सबैभन्दा धेरै गुमाएका छन् ।