• अर्थ सरोकार सम्बाददाता 

काठमाडौं । साताको कारोबारको पहिलो दिन आइतबार नेप्सेमा नयाँ रेकर्ड कायम भएको छ । कारोबार रकममा नयाँ रेकर्ड कायम भएको हो । नेप्से परिसूचक १२.५४ अंकले बढ्दा कारोबार रकम १७ अर्ब नाघेको छ । आज २१९ कम्पनीको ४ करोड २६ लाख ३६ हजार ३४८ कित्ता सेयर खरिद बिक्री भएको छ । 

आज सबैभन्दा धेरै नेशनल हाईड्रोपावरको सेयर सर्वाधिक कारोबार भएको छ । कम्पनीको ४७ करोड ४० लाख रुपैयाँको सेयर कारोबार भएको हो । त्यसपछि अरुण काबेली हाईड्रोपावरको ४६ करोड ९२ लाख रुपैयाँको सेयर कारोबार भएको छ । क्रमश : युनाईटेड मोदी हाईड्रोपावर , वुटवल पावर, अपी पावर, चिलिमे हाईड्रोपावर, सानिमा माई हाईड्रोपावर, एचडिएचपीसी, रसुवागढी हाईड्रोपावर,एशियन लाइफको काराबार भएको छ।