• अर्थ सरोकार सम्बाददाता 

काठमाडौं । चालु आर्थिक वर्षको तेस्रो त्रैमासमा छयाङदी हाइड्रोपावरले १ करोड ६ लाख ७९ हजार रुपैयाँ खुद नाफा कमाएको छ । यो गत वर्षको तुलनामा १२.८६% ले थोरै हो । 

कम्पनीका अनुसार विद्युत् बिक्रीबाट हुने आम्दानी र सञ्चालन नाफा घटे पनि घटेको छ । कम्पनीको विद्युत बिक्रीबाट आम्दानी १५.५२% घटेर ३ करोड ४६ लाख रुपैयाँमा झरेको छ । यस्तै सञ्चालन नाफा पनि ३ करोड ९३ लाख रुपैयाँबाट झरेर ३ करोड ९ लाख रुपैयाँमा सिमित भएको छ ।

चैत मसान्तसम्ममा कम्पनीको प्रतिसेयर आम्दानी पनि ९८ पैसाले घटेर ४ रुपैयाँ ७८ पैसा भएको छ । यसको प्रतिसेयर नेटवर्थ १०३ रुपैयाँ ७५ पैसा छ ।