• अर्थ सरोकार सम्बाददाता

काठमाडौं । काठमाडौं उपत्यकामा जारी निषेधाज्ञा लम्ब्याउने तयारी भएको छ । संक्रमण दर बढेसँगै उपत्यकामा एक साता निषेधाज्ञा लम्ब्याउने तयारी भएको हो  । यसो त उपत्यकामा १६ गतेदेखि निषेधाज्ञा जारी नै छ । 

यो अवधिमा संक्रमणको दर नघटेकाले निषेधाज्ञालाई एकसाता लम्ब्याउने तयारी भएको जिल्ला प्रशासन कार्यालय काठमाडौंका प्रमुख जिल्ला अधिकारी कालिप्रसाद पराजुलीले जानकारी दिए । अब थपिने निषेधाज्ञामा अझै कडा गर्ने तयारी पनि भएको छ।