">
- अर्थ सरोकार सम्बाददाता
काठमाडौं । नबिल बैंक लिमिटेडले वेबसाइटमार्फत आईकार्डको लागि निवेदन दिन मिल्ने सुविधा ल्याएको छ । बैंकले आफ्ना ग्राहकको सुविधालाई ध्यानमा राख्दै वेबसाइटमार्फत आईकार्डको लागि निवेदन दिन मिल्ने सुविधा ल्याएको हो ।
अब नबिल बैंकमा खाता भएका ग्राहकले आफै बैंकको वेबसाइटमा गई ‘अप्लाईनाउ’ विकल्प छानि नबिल आईकार्डको लागि निवेदन दिई, आफूलाई पायक पर्ने नबिल बैंकको कुनै पनि शाखाबाट कार्ड संकलन गर्न सक्नेछन् । थप जानकारीका लागि ग्राहकले बैंकको ग्राहक सेवा केन्द्रमा ०१-५९७००१५ सम्पर्क गर्न सक्नेछन् ।
विश्वव्यापी रुपमा फैलिएको कोरोना महामारीको समयमा ग्राहकको हित तथा आवश्यकतालाई मध्यनजर गर्दै स्वस्थ्य एवं सुरक्षित कारोबारको सुविधा प्रदान गर्ने उद्देश्यले नबिल बैंकले यो नयाँ सुविधा ल्याएको छ ।
