• अर्थ सरोकार सम्बाददाता 

काठमाडौं । काठमाडौँ उपत्यकामा लगाइएको निषेधाज्ञा एक साताका लागि थप गरिएको छ । मंगलबार बसेको काठमाडौं, भक्तपुर र ललितपुरका तीन प्रमुख जिल्ला अधिकारीको संयुक्त बैठकले यस्तो निर्णय गरेको हो । उक्त बैठकले सरकारी सवारीसाधनलाई दिउँसोको समयमा चल्न नदिने निर्णय पनि गरेको छ । 

अब सरकारी कार्यालय, बैंक, सार्वजनिक संस्थान र इन्टरनेट सेवा प्रदायकका सवारीसाधन बिहान साढे ९ बजेदेखि साढे १० सम्म र साँझ ५ बजेदेखि ६ बजेसम्म मात्र चल्न पाउने छन् । मंगलबार चौथो पटक निषेधको आदेश थप्दै प्रशासनले निषेधाज्ञामा कडा प्रावधान ल्याएको हो ।