• अर्थ सरोकार सम्बाददाता

काठमाडौं । अत्यावश्यक सेवामा हडताल तथा कुनै पनि प्रकारको अवरोध गर्न नपाइने भएको छ । सरकारले राजपत्रमा सूचना सार्वजनिक गर्दै बैंक, बीमा, अस्पताल, होटल, विमानस्थल, इन्टरनेट सेवा प्रदायक संस्थालगायतका क्षेत्रमा हड्ताल गर्न नपाउने निर्णय गरेको हो ।

गृह मन्त्रालयले जेठ १७ गते राजपत्रमा सूचना सार्वजनिक गर्दै ह्याण्ड सेनिटाइजर, मास्क देखि इन्टरनेट सेवालाइ अत्यावश्यक सेवामा समावेश गरेकाे छ । सरकारको निर्णयलाई उल्लङ्घन गरेर हड्ताल गरे कडा कारवाही हुने बताइएको छ । राजपत्रमा सूचना प्रकाशन भएका २५ वटा सेवालाई सरकारले अत्यावश्यक सेवा सञ्चार ऐन, २०१४ को दफा ३ को उपदफा (१) को अधिकार प्रयोग गर्दै सेवामा हड्ताल गर्न निषेध गरेको छ ।