• अर्थ सरोकार सम्बाददाता 

काठमाडौं । वैदेशिक रोजगार कार्यालय ताहाचलले जेठ २६ गतेदेखि हप्ताको एक दिन श्रम स्वीकृति दिने निर्णय गरेको छ । कार्यालयले जेठ २६ गतेदेखि हरेक बुधबार एक दिनका लागि सबै प्रकारका श्रम स्वीकृति प्रदान गर्ने निर्णय गरेको हो । 

सेवाग्राहीको समस्यालाई ध्यानमा राख्दै कार्यालयले एक दिन बुधबार कार्यालयबाटै सेवा दिनेगरी तयारी भएको जनाएको हो । कार्यालयका अनुसार कोरोना सङ्क्रमणको नियन्त्रण तथा रोकथाम गर्ने भन्दै गएको वैशाख २४ गतेदेखि कार्यालयले भौतिक रूपमा उपस्थित भएर लिनुपर्ने सेवाहरू बन्द गरेको थियो । यो बीचमा अनलाइनमार्फत पुनः श्रम स्वीकृति लिने व्यवस्था गरिएको थियो ।