• अर्थ सरोकार सम्बाददाता

काठमाडौं । साताको कारोबारको चौंथो दिन बुधबार नेप्सेमा उछाल गएको छ । तेस्रो दिन मंगलबार पनि नेप्से परिसूचक घटेको छ । आज बजार ५५.७६ अंकले बढेर २८२७. १२ विन्दुमा पुगेको छ । नेपाल स्टक एक्सचेन्ज (नेप्से)का अनुसार आज कुल २१९ कम्पनीको २ करोड २६ लाख १३ हजार २९ सेयर खरिद बिक्री हुँदा ११ अर्ब ३५ करोडको कारोबार भएको छ ।

आज सबैभन्दा धेरै नेपाल पुनर्बीमाको सेयर कारोबार भएको छ । यस कम्पनीको १ अर्ब ३७ करोडमाथिको कारोबार भएको छ । त्यसपछि निर्धन उत्थान लघुवित्त, सानिमा माई हाइड्रोपावर, लुम्बिनी विकास बैंक, ज्योति विकास बैंक, एशियन लाइफ इन्सुरेन्स, शिखर इन्स्योरेन्स, मन्जुश्री फाइनान्स, राधि हाइड्रोपावर र गरिमा विकासको काराबार भएको छ ।