- अर्थ सरोकार सम्बाददाता
काठमाडौँ । काठमाडौं उपत्यकाको निषेधाज्ञा थप खुकुलो गर्न आज आइतबार काठमाडौं, ललितपुर र भक्तपुरका प्रजिअहरूको बैठक बस्दैछ । उक्त बैठक अपरान्ह ३/४ बजे बस्ने भएको हो । उक्त बैठकमा छलफल गरेपछि निषेधाज्ञा थप गर्ने र कुन-कुन क्षेत्र खुल्न दिने भन्नेबारे निर्णय हुनेछ ।
अहिले खाद्यान्न र तरकारी पसल बिहान ११ बजेसम्म खोल्न पाइन्छ भने निर्माण सामग्रीका पसल अपरान्ह ४ बजेपछि खुल्दै आएका छन् । यता समय तोकेर कपडा पसललगायत पनि खुल्न दिने बताइएको छ । गत वैशाख १६ गतेदेखि लगाइएको निषेधाज्ञालाई भने निरन्तरता दिईने भएको छ । यसअघि कोरोना निर्देशक समितिको बैठकले आर्थिक क्षेत्र चलायमान हुने गरी असार दोस्रो सातादेखि स्मार्ट लकडाउन गर्ने निर्णय गरेको थियो।
