- अर्थ सरकार सम्बाददाता
काठमाडौं । नेरुडे लघुवित्त वित्तीय संस्थाले सेयर रजिष्ट्रारमा आरबिबि मर्चेण्ट बैंकिङलाई नियुक्त गरेको छ । कम्पनीले साउन १ गते शुक्रबारदेखि लागू हुने गरी सेयर रजिष्ट्रारमा नियुक्त गरेको हो । आरबिबि मर्चेण्ट बैंकिङ कम्पनीको सेयर रजिष्ट्रारमा एक वर्षसम्म रहनेछ । कम्पनीको बैशाख १० गते बसेको संस्थाको सञ्चालक समितिको बैठकले उक्त निर्णय गरेको हो ।
यससँगै संस्थाको सेयर सम्बन्धी कारोबारको अभिलेख राख्ने, दाखिल खारेज, नामसारी, टुक्रा पार्ने तथा साधारण सभाबाट घोषणा गरेको नगद लाभांश र बोनस सेयर वितरण गर्ने लगायत सेयरधनीहरुको लगत अद्यावधिक गरी राख्ने सम्पूर्ण कार्यको लागि काठमाडौंको टेकुस्थित आरबिबि मर्चेन्टमा सम्पर्क गर्न सकिने भएको छ ।
