×

Live on

रेडियो अर्थ सरोकार

Listen to live radio.

laxmi sunrise bank

थपिएको निषेधाज्ञामा यसरी दिनेछन् बैंकहरुले सेवा, यस्तो छ राष्ट्र बैंकको निर्देशन

  • अर्थ सरोकार सम्बाददाता 
काठमाडौं । नेपाल राष्ट्र बैंकले बैंक तथा वित्तीय संस्थाहरुका लागि नयाँ निर्देशन जारी गरेको छ । राष्ट्र बैंकले थपिएको निषेधाज्ञामा स्वास्थ्य सुरक्षा मापदण्ड पालना गरेर आवश्यकता अनुसार बैंक तथा वित्तीय संस्था खोल्न निर्देशन दिएको हो ।
निर्देशन अनुसार केन्द्रीय कार्यालयको हकमा एक तिहाइ र शाखा कार्यालयमा न्यूनतम कर्मचारी राखेर सेवा दिनुपर्नेछ । यस्तै सेवाग्राहीलाई पनि सकभर विद्युतीय माध्यमबाट कारोबारमा प्रोत्साहित गर्न राष्ट्र बैंकले निर्देशन दिएको छ ।
नजिक रहेका दुई शाखा खोल्नुको साटो एउटै शाखाबाट सेवा दिन भनिएको छ भने बन्द भएका शाखाको सटरमा वा वेबसाइट र सामाजिक सञ्जालमा खुला भएको शाखाको स्पष्ट जानकारी दिने गरी सूचना दिन पनि निर्देशन दिइएको छ । 
बैंक तथा वित्तीय संस्थाले आफ्नो व्यावसायिक निरन्तरतालाई उच्च प्राथमिकतामा राखेर सकभर घरबाटै काम गर्न पनि निर्देशन दिईएको छ । राष्ट्र बैंकले कार्यालयमा पनि न्यूनतम कर्मचारी राखेर सेवा दिन निर्देशन दिएको छ ।
Hamro Parto AD
TRITON COLLEGE

प्रतिक्रिया दिनुहोस्

सिफारिस: