• सुदर्शन श्रेष्ठ/अर्थ सरोकार सुदूरपश्चिम ब्युरो

धनगढी । कोरोना माहामारीकाबीच भारतसँग सिमाना जोडिएका क्षेत्रहरु उच्च जोखिममा छन् । धनगढी उपमहानगरपालिका वडा नम्बर १४, १२, १८ र कैलारी गाउँपालिका झनै उच्च जोखिममा छन् । निषेधाज्ञाको समयमा अवैध नाका भएर अवैध रुपमा नागरिकको आवतजावत हुन थालेपछी जोखिम झनै बढेको हो ।

बिहिबार धनगढी उपमहानगरपालिका वडा नम्बर १८ मा अवैध नाका भएर सिमापारी वारपार गर्ने झण्डै १५ जनालाई सामानसहित होल्ड गरिएको छ । नाकाबाट अवैध रुपमा सामान ल्याउँदै गरेका उनिहरुलाई होल्ड गरी वडा अध्यक्षको रहोबरमा एकपटकका लागि सम्झाईबुझाई गरि छोडिएको सशस्त्र प्रहरी बल बिओपि फुलवारीका सशस्त्र प्रहरी निरिक्षक देव सिंहले बताए । उनले भने, ‘पहिलो पटक भएकोले छोडेका हौँ उक्त गल्ति दोहोरिएमा संक्रामक रोग ऐन अनुसार कारवाही हुन्छ ।’