">
- अर्थसरोकार सम्बाददाता
बुढीगण्डकी जलाशययुक्त जलविद्युत आयोजना अघि बढाउन माग गर्दै आयोजना प्रभावित क्षेत्र र गोरखा तथा धादिङका बासिन्दाले अर्थमन्त्री जनार्दन शर्मालाई भेटेका छन् ।
गोरखा क्षेत्र नम्बर १ बाट निर्वाचित प्रतिनिधिसभा सांसद हरिराज अधिकारीको नेतृत्वमा अर्थमन्त्री शर्मालाई भेट्न गएको टोलीले बुढीगण्डकी जलाशययुक्त जलविद्युत आयोजना यही सरकारले नै प्राथमिकताका साथ अगाडि बढाउन पनि माग राखेको छ ।
आयोजनाबाट प्रभावित क्षेत्रका बासिन्दालाई मुआब्जा निर्धारण गर्दा ह्रासकट्टी गरेर दिँदा समस्या भएको र पुनर्बासका काम छिटो छरितो गरी सञ्चालन हुन नसकेको बारे पनि उनीहरुले अर्थमन्त्री शर्मासँग गुनासो गरेका छन् ।
अर्थमन्त्री शर्माले भने आयोजनाको अवस्था बारे बुझेर मात्रै जानकारी दिने बताएका छन ।
‘
