काठमाडौं । नबिल बैंक लिमिटेडले नयाँ सुविधा सार्वजनिक गरेको छ । बैंकले ऋण कर्जाको लागि अनलाइनबाटै आवेदन दिन सकिने नयाँ सुविधा सार्वजनिक गरेको हो । इच्छुक ग्राहकले बैंकको वेबसाइटमा (https://www.nabilbank.com/individual/sme-loan-application/business-information-details) गई साना तथा मझ्यौला ऋण कर्जाको लागि अनलाइन आवेदन दिन सक्नेछन् । यो सुविधा बैंकलार्ई डिजिटल बैंकमा रूपान्तरण गर्ने उद्देश्य अनुरूप गरिएको हो ।

ग्राहकले आफुले चाहेको समय, स्थान र उपकरणमा बैंकिङ सेवाहरूको प्रयोग गर्न सक्नेछन् । बैंकले आधिकारिक वेबसाइट मार्फत ऋण कर्जाको लागि आवेदन दिने सिमित ग्राहकहरूलाई सेवा शुल्कमा छुटको व्यवस्था पनि गरेको छ । यो सुविधा बैंकद्वारा जारी अभियान ‘नबिल बैंक-गो डिजिटल प्रोग्राम, डिजिटल कारोबार आजको आवश्यकता’ अनुरूप रहेको छ ।

बैंकले आफ्नो देशभर १३५ वटा शाखा कार्यलयहरु, १८३ एटिएम र १५०० भन्दा धेरै नबिल रेमिट एजेन्टहरु सहित विभिन्न देशमा रहेका एजेन्टहरुको बृहत संजालमार्फत निरन्तर गुणस्तरिय सेवा प्रवाह गर्दै आईरहेको छ । एक उच्च प्रशिक्षित समुह र मजबुत र सुरक्षित बैंकिङ प्रणालीको साथ ३७ ई-बैंकिङ अनुभवको साथ, बैंकको ग्राहकहरु लाई मूल्य अभिवृद्धि गर्न उच्चसेवा वितरणको लागी लक्षित छ ।