">
- अर्थ सरोकार सम्बाददाता
तेह्रथुम । नेपाल बैंक लिमिटेडले ताप्लेजुङको मेरिङ्देन गाउँपालिका-३ स्थित दोभान बजारका अग्निपिडितहरूको लागि ५ लाख सहयोग गरेको छ । नेपाल बैंक लिमिटेड प्रदेश १ का प्रमुख सुर्यप्रकाश भट्ट, प्रदेशका उपप्रबन्धक विजयराज पण्डित, आठराई शाखाका प्रमुख शेखर न्यौपानेले संयुक्तरूपमा मेरिङदेन गाउँपालिका अध्यक्ष गणेश बहादुर लिम्बू र उपाध्यक्ष कल्पना तुम्वाहाम्फेलाई ५ लाखको चेक हस्तान्तरण गरेका थिए ।
सहयोग रकमको चेक हस्तान्तरण गर्दै नेपाल बैंक लिमिटेड प्रदेश १ का प्रमुख भट्टले विपतमा परेका सबै क्षेत्रमा नेपाल बैंकले सहयोग गर्दै आएको बताए । दोभान बजारका अग्नीपीडितका लागि नेपाल बैंकले सहयोग रकम उपलब्ध गराएकोमा गाउँपालिका अध्यक्ष लिम्बूले आभार व्यक्त गरे । उपलब्ध भएको सहयोग रकम चाडै पीडित परिवारलाई वितरण गरिने समेत बताए । दोभान बजारमा गत फागुन १८ गते भएको आगलागीबाट ५० घरको ४० करोड ५ लाख रुपैयाँ बराबरको क्षति भएको थियो ।
