काठमाडौं । साताको कारोबारको दोस्रो दिन सोमबार नेप्से  बढेको छ । आइतबारको तुलनामा नेप्से परिसूचक १३.९७ अंकले बढेर २९९४.५८ विन्दुमा पुगेको छ । नेपाल स्टक एक्सचेन्ज (नेप्से)का अनुसार आज कुल २१९ कम्पनीको ३ करोड ७५ लाख ७१ हजार ३७४ कित्ता सेयर खरिद बिक्री हुँदा ११ अर्ब ८१ करोडमाथिको कारोबार भएको छ ।

आज सबैभन्दा बढी कारोबार एनआइसी एसिया बैंकको भएको छ । यस कम्पनीको ३५ करोड ४१ लाख बराबरको सेयर कारोबार भएको छ । आज ५ समूह घटेका छन् भने अन्य सबै समूह बढेका छन् । यस्तै आज सबैभन्दा धेरै सिनर्जी पावर डेभलपमेन्ट लिमिटेडका लगानीकर्ताले कमाएका छन् ।