काठमाडौँ । देशभर विभिन्न घटना घट्छन् । केहि सामान्य समाचारका विषय हुन्छन्, केहि समाचारले असामान्य कम्पन पैदा गरिदिन्छन् । केहि तस्विर फगत तस्विरमात्र हुन्छन् भने केहि तस्विरले देश बोल्दछन् । हामी हरेक दिन सातै प्रदेशका त्यस्ता तस्विरहरुलाई प्रकाशन गर्छौँ, जसले देश र जनताको आर्थिक स्थिति प्रतिनिधित्व गर्छ । समसामयिक विषयमा राज्यलाई खबरदारी गर्छ र जनताको जीवन बोल्छ । आज कुन कुन ठाउँमा के के भयो ? यी दृश्यहरु आफैं बोलिरहेछन् ।
जुनिचाँदे गाउँपालिकामा बैंक नभएपछि सामाजिक सुरक्षा भत्ता, मुख्यमन्त्री रोजगारी कार्यक्रमलगायतको रकम लिन सदरमुकाममा रहेको बैंकमा आएका नागरिक ।
जुनिचाँदे गाउँपालिकामा बैंक नभएपछि सामाजिक सुरक्षा भत्ता, मुख्यमन्त्री रोजगारी कार्यक्रमलगायतको रकम लिन सदरमुकाममा रहेको बैंकमा आएका नागरिक ।
तनहुँको व्यास नगरपालिका–१२ हुँदै भानु नगरपालिका–५ जाने भगवती रङ्गपथमा खसेको पहिरो । गत असार १७ गतेको वर्षाले पहिरो झरेर बाटो अवरुद्ध भएपछि स्थानीयवासी मारमा परेका छन् ।
तनहुँको व्यास नगरपालिका–१२ हुँदै भानु नगरपालिका–५ जाने भगवती रङ्गपथमा खसेको पहिरो । गत असार १७ गतेको वर्षाले पहिरो झरेर बाटो अवरुद्ध भएपछि स्थानीयवासी मारमा परेका छन् ।
तनहुँको म्याग्दे गाउँपालिका–१ गुणादीमा बन्धकीमा खरिद गरिएको खेतमा सामूहिक रुपमा धान रोप्दै कृषक । वाराही सामुदायिक वन उपभोक्ता समूहले बन्धकीमा खरिद गरेको खेतमा २५ जना विपन्न उपभोक्ताले सामूहिक खेती गरिरहेका छन् ।
डोटीको शिखर नगरपालिका–११ बानीडुग्रीसैनमा किसानले गरेको धानखेती ।
कलङ्कीस्थित उपत्यकावाट वाहिर जाने सडक छेउमा फलफुल विक्री गर्न बसेका सडक व्यापारी । यहाँ दैनिक सयौका संख्यामा फलफुल व्यापारी यसरी नै साइकलमा फलफुल वेच्न वस्ने गर्दछन ।
साउन महिनामा नयाँ सडक आसपास क्षेत्रमा मेहन्दी लगाउँदै युवती । हिन्दु नारीले हरियो चुरापोते, मेहन्दी लगाउने र शिवजीको व्रत बस्ने चलन छ ।
धनगढी उपमहानगरपालिका– ३ स्थित आसपासका स्थान वर्षातका कारण जलमग्न भई डुबानमा परेपछि वडा नं। २ र ३ को सिमामा रहेको कल्बटबाट पानी निकासा गर्दै स्थानियवासी ।
