काठमाडौँ । रिलायबल नेपाल लाइफ इन्स्योरेन्स कम्पनीका प्रमुख कार्यकारी अधिकृत नारायण बाबु लोहनीको कार्यकाल दोहोर्याउन बीमा समितिले स्वीकृति दिएको छ । कम्पनीको साउन एक गते बसेको सञ्चालक समितिको बैठकले लोहनीलाई थप एक कार्यकालका लागि नियुक्ति गर्ने निर्णय गरेको हो । कम्पनीको उक्त निर्णयपछि अन्तिम स्वीकृतिका लागि बीमा समितिमा पठाइएको थियो ।

समितिले अन्तिम स्वीकृति दिएसँगै सञ्चालक समितिलाई कार्यकाल थप गर्ने बाटो खुलेको हो । लोहनीको पहिलो कार्यकाल यहि साउन १७ गतेदेखि सकिँदैछ । लोहनी कम्पनीको स्थापनाकाल देखिनै प्रमुख कार्यकारी अधिकृतमा कार्यरत छन् । कम्पनीले प्रिमियममा प्राथमिक सेयर निष्कासन गर्ने तयारी गरिरहेको छ ।