काठमाडौं । २९.२४ अंकले बढेको बजारमा सबैभन्दा धेरै ६ कम्पनीका लगानीकर्ताले कमाएका छन् । जसमा घलेम्दी हाईड्रो, जोशी हाईड्रोपावर डेभलपमेन्ट कम्पनी, मल्टिपर्पोज फाइनान्स, यूनाइटेड मोदी हाईड्रोपावर, खानिखोला हाईड्रोपावर र नेपाल हाईड्रो डेभलपरका लगानीकर्ताले सबैभन्दा धेरै कमाएका हुन् । यस कम्पनीहरुको १० प्रतिशतले सेयर मूल्य बढेको हो ।
नेपाल स्टक एक्सचेन्जका अनुसार आज कुल २२५ कम्पनीको ३ करोड २३ लाख ५५ हजार २६० कित्ता सेयर खरिद बिक्री हुँदा १५ अर्ब १७ करोड ६ लाख ५१ हजार ६ सय ५१ रुपैयाँ बराबरको सेयर कारोबार भएको छ ।
