काठमाडौं । साताको कारोबारको पहिलो दिन आइतबार नेप्से ५४.३१ अंकले बढेको छ । यस अवधिमा सबैभन्दा बढी कारोबार नेपाल बैंक लिमिटेडको भएको छ । यस कम्पनीको ४९ करोड ५० लाख ४९ हजार ४ सय ८८ बराबरको सेयर कारोबार भएको छ ।

यसपछि ग्लोबल आइएमई बैंक, एनसिसि बैंक, एनआइसी एशिया बैंक, यूनाइटेड मोदी हाईड्रोपावर, अरुण काबेली पावर कम्पनी, नेशनल हाईड्रोपावर कम्पनी, प्रभु बैंक, कुमारी बैंक र मेगा बैंकको सर्वाधिक सेयर कारोबार भएको छ ।

नेपाल स्टक एक्सचेन्जका अनुसार आज कुल २२३ कम्पनीको ४ करोड ४१ लाख १४ हजार ७६० कित्ता सेयर खरिद बिक्री हुँदा १४ अर्ब ३० करोड २३ लाख ६५ हजार १ सय ४८ रुपैयाँ बराबरको सेयर कारोबार भएको छ ।