- अर्थ सरोकार सम्बाददाता
काठमाडौं । ७३ अंकले बढेको बजारमा सबैभन्दा धेरै २५ कम्पनीका लगानीकर्ताले कमाएका छन् । जसमा श्री इन्भेष्टमेन्ट फाइनान्स, गोर्खाज फाइनान्स र आइसिएफसि फाइनान्स रहेका छन् । यी ३ कम्पनीको १० प्रतिशतले सेयर मूल्य बढेको हो ।
यस्तै ९ प्रतिशत भन्दा बढीले सेयर मूल्य बढ्ने कम्पनीहरुमा शाइन रेसुङ्गा डेभलपमेन्ट बैंक, मल्टिपर्पोज फाइनान्स, समृद्धि फाइनान्स, महालक्ष्मी विकास बैंक, गुडविल फाइनान्स, सांग्रिला डेभलपमेन्ट बैंक, हिमाल दोलखा हाईड्रोपावर कम्पनी, ज्योति विकास बैंक र प्रोग्रेसिभ फाइनान्स लगायत रहका छन् ।
नेपाल स्टक एक्सचेन्जका अनुसार आज कुल २२५ कम्पनीको ३ करोड १५ लाख ८८ हजार ८५० कित्ता सेयर खरिद बिक्री हुँदा ८ अर्ब ६ करोड १३ लाख ८२ हजार ४ सय ९६ रुपैयाँ बराबरको सेयर कारोबार भएको छ ।
