- अर्थ सरोकार सम्बाददाता
काठमाडौं । साताको कारोबारको दोस्रो दिन सोमबार नेप्से ४५.०६ अंकले घटेको छ । यस अवधिमा सबैभन्दा बढी कारोबार निर्धान उत्थान लघुवित्त वित्तीय संस्थाको भएको छ । यस कम्पनीको ४७ करोड २६ लाख ५२ हजार ९ सय ५२ बराबरको सेयर कारोबार भएको छ ।
त्यसपछि एनआइसी एसिया बैंक, राष्ट्रिय बिमा संस्थानको प्रमोटर सेयर, छिमेक लघुवित्त वित्तीय संस्था, नेपाल बैंक, मन्जुश्री फाइनान्स, ज्योति विकास बैंक, हिमालयन डिस्टिलरी, नबिल बैंक र नेशनल हाईड्रोपावर कम्पनीको सर्वाधिक सेयर कारोबार भएको छ ।
नेपाल स्टक एक्सचेन्जका अनुसार आज कुल २२९ कम्पनीको २ करोड ६० लाख २१ हजार १०४ कित्ता सेयर खरिद बिक्री हुँदा ९ अर्ब ९८ करोड २६ हजार ५ सय २७ रुपैयाँ बराबरको सेयर कारोबार भएको छ ।
