काठमाडौँ । सरकारले लामो दुरीका सार्वजनिक यातायात सञ्चालन गर्न अनुमति दिएको छ । काठमाडौं जिल्ला प्रशासन कार्यालयले गृह मन्त्रालयको निर्देशन अनुसार झन्डै तीन महिनापछि लामो दुरीको सवारीसाधन सञ्चालन गर्न अनुमति दिएको हो ।
बिहीबार गृह मन्त्रालयले ७७ वटै जिल्ला प्रशासनलाई लामो दुरीको सवारी सञ्चालन सहजीकरण गर्न भनेपछि जिल्ला प्रशासनले शुक्रबार सुचना जारी गरेको हो । जस अनुसार नेपाल सरकारले तोकेको स्वास्थ्यको मापदण्डको पूर्ण पालना गरी मध्यम तथा लामो दुरीका सार्वजनिक यातायात सञ्चालनको व्यवस्था मिलाउनु पर्नेछ ।
त्रिभुवन विश्वविद्यालय, लोक सेवा आयोगलगायतका परीक्षाहरू हुने भएकोले लामो तथा मध्यम दुरीका सवारीसाधन चलाउने व्यवस्था मिलाइएको हो । यता काठमाडौं जिल्लाका सिडिओ कालिप्रसाद पराजुलिले भोलि शनिबारदेखि नै लामो दुरीका सवारीलाई अनुमति दिएको बताए ।
