काठमाडौँ  । गत आर्थिक वर्षको चौथो त्रैमासमा आशा लघुवित्त वित्तीय संस्थाले खुद नाफा १७२.६६ प्रतिशत बढाएको छ । गत वर्षको सोहि अवधिमा ४ करोड ६६ लाख रुपैयाँ मात्र खुद नाफा कमाएको यस कम्पनीले यो अवधिमा आउँदा १२ करोड ७१ लाख रुपैयाँ खुद नाफा कमाउन सफल भएको हो ।

यस्तै कम्पनीको  खुद ब्याज आम्दानी र अन्य सञ्चालन आम्दानी पनि बढेको छ ।  खुद ब्याज आम्दानी ५४.९३ प्रतिशत र सञ्चालन मुनाफा १४९.३९ प्रतिशत बढेको सार्वजनिक वित्तीय विवरणमा उल्लेख छ । साथै चैत मसान्तसम्ममा १ करोड ६० लाख रुपैयाँ खराब कर्जा उठाउन सफल भएको कम्पनीको जगेडा कोष २७६.५७ प्रतिशत बढेको छ ।

यस्तै प्रतिसेयर आम्दानी पनि ३० रुपैयाँ १४ पैसा बढेर ४७ रुपैयाँ ६० पैसा पुगेको छ भने प्रतिसेयर नेटवर्थ १६४ रुपैयाँ ९४ पैसा रहेको छ।