काठमाडौँ । आर्थिक वर्ष २०७८/७९ को मौद्रिक नीतिमा बैंक तथा वित्तीय संस्थाको नगद अनुपात ३ प्रतिशतमा यथावत राखिएको छ ।
गर्भनर महाप्रसाद अधिकारीले आज मौद्रिक नीति सार्वजनिक गर्दै ब्याजदर करिडरको माथिल्लो सीमाको रुपमा रहेको स्थायी तरलता सुविधा दर ५ प्रतिशतमा यथावत राखिएको बताएका हुन् ।
करिडरको तल्लो सीमामा रहेको निक्षेप संकलन दरलाई १ प्रतिशतबाट बृद्धि गरी २ प्रतिशत र रिपो दरलाई ३ प्रतिशतबाट वृद्धि गरी ३.५० प्रतिशत कायम गरिएको छ ।
