काठमाडौँ । महालेखापरीक्षकको कार्यालयले वाणिज्य बैंकहरुसँग ४ अर्ब बढी रकम असुल गर्नुपर्ने बताएको छ । कार्यालयले बिजनेश कम्बिनेसनबाट प्राप्त भएको लाभलाई २१ बैंक तथा वित्तीय संस्थाले लाभ देखाई आयकर तिर्नुपर्नेमा त्यस्तो नगरेकोले बैंकहरुसँग ४ अर्ब बढी असुल गर्नुपर्ने बताएको हो ।

महालेखा वाणिज्य बैंकहरुको लाभ १४ अर्ब ९३ करोड ३ लाख आयकर ऐन २०५८ को अनुसूची १ को दफा २ को उपदफा २ बमोजिम ३० प्रतिशतले हुने कर ४ अर्ब ४७ करोड ९१ लाखमा शुल्क एवम् ब्याजसमेत छानविन गरि कर निर्धारण एवम् असुल गर्नुपर्ने जनाएको छ । बैंकहरु मर्जरमा जाँदा बैंकहरुले लाभलाई अन्य शिर्षकमा राखेर कर छली गरेको महालेखाको ठहर छ ।