काठमाडौं । छिमेक लघुवित्त वित्तीय संस्थाले १ अर्ब २१ करोड ५६ लाख ३३ हजार रुपैयाँ खुद नाफा कमाउन सफल भएको छ । कम्पनीले गत वर्षको चौंथो त्रैमासको वित्तीय विवरण सार्वजनिक गर्दै नाफा ८७.२४% ले बढेको जनाएको हो । कम्पनीले अघिल्लो वर्षको सोहि अवधिमा ६४ करोड ९२ लाख ४० हजार मात्रै नाफा कमाएको थियो ।

यस्तै कम्पनीको खुद ब्याज आम्दानी १७.७५% र सञ्चालन नाफा ५१.८३% ले बढेको छ । रिजर्भ कोष पनि ८४.२२% ले वृद्धि भएर ३ अर्ब १२ करोड १५ लाख ३८ हजार रुपैयाँ पुगेको छ । यस अवधिमा कम्पनीको प्रतिसेयर आम्दानी २३ रुपैयाँ १५ पैसाले बढेर अहिले ६६ रुपैयाँ ४३ पैसा पुगेको छ भने प्रतिसेयर नेटवर्थ २३१ रुपैयाँ ८५ पैसा पुगेको छ ।