काठमाडौं । एक्सेल डेभलपमेन्ट बैंकले ८२ हजार कित्ता संस्थापक सेयर बिक्रीमा ल्याएको छ । बैंकका २ जना संस्थापक सेयरधनीले आफ्नो स्वामित्वमा रहेको ८२ हजार ५६६ कित्ता सेयर बिक्रीमा ल्याएको हो । अनुराग गोवलले आफ्नो नाममा रहेको ६१ हजार ६६ कित्ता र टिकारा शर्मा ढुंगेलले २१ हजार ५०० कित्ता सेयर बिक्री गर्न लागेका हुन् ।

यसमा एक्सेलकै संस्थापक सेयरधनीले मात्रै आवेदन दिन सक्नेछन् भने यसमा भाउ तोकिएको छैन । सेयर खरिद गर्न इच्छुक संस्थापकले आजको ३५ दिनभित्र एक्सेलको प्रधान कार्यालय विर्तामोड झापामा निवेदन दिनुपर्नेछ । यस अवधिमा कुनैपनि संस्थापकबाट आवेदन नपरेमा भने सर्वसाधारणलाई बिक्री खुला गरिने छ ।