काठमाडौं । गत आर्थिक वर्षको चौंथो त्रैमासमा जीवन विकास लघुवित्तले ६८ करोड ९५ लाख ५८ हजार रुपैयाँ खुद नाफा कमाएको छ । कम्पनीको यो नाफा अघिल्लो वर्षको सोहि अवधिको तुलनामा १०१.९६% ले धेरै हो । अघिल्लो वर्षको यसै अवधिमा कम्पनीले ३४ करोड १४ लाख २३ हजार रुपैयाँ नाफा कमाएको थियो ।

यो अवधिसम्म आउँदा कम्पनीको खुद ब्याज आम्दानी ४९.२८% ले बढेर १ अर्ब ४१ करोड ६७ लाख ११ हजार रुपैयाँ पुगेको छ भने सञ्चालन नाफा ९.४५% ले घटेर ३८ करोड ३७ लाख ४१ हजार रुपैयाँमा सीमित भएको छ । यस्तै जगेडा कोषमा १ अर्ब ३० करोड ९४ लाख ७ हजार रुपैयाँ रहेको यस कम्पनीको प्रतिसेयर आम्दानी ११३ रुपैयाँ ३४ पैसा र प्रतिसेयर नेटवर्थ ३१५ रुपैयाँ २२ पैसा छ ।