काठमाडौँ ।  काठमाडौं महानगरपालिका–३२ स्थित काँडाघारीबाट सुन र नगद चोरी भएको छ । महानगरीय प्रहरी वृत्त बानेश्वरका अनुसार आइतबार राती सिन्धुपाल्चोक घर भई काँडाघारीमा बस्ने यादव केसीको कोठाबाट ३० हजार नगद र सुनका गहना चोरी भएको हो ।

सुन तथा नगदसमेत गरी करिब ६ लाख ५३ हजार चोरी भएको हो । चोरीमा संलग्नहरूले केसीको कोठा फोडेर चोरी गरेका थिए । घटनाबारे अनुसन्धान भइरहेको महानगरीय प्रहरी वृत्त बानेश्वरले जनाएको छ ।