काठमाडौँ । सरकारले राजश्व सचिवमा कृष्णहरी पुस्कर नियुक्त गरेको छ । बिहीबार प्रधानमन्त्री निवास बालुवाटारमा बसेको मन्त्रिपरिषद् बैठकले प्रधानमन्त्री तथा मन्त्रिषदका कार्यालयको अतिरिक्तमा रहेका पुस्करलाई राजश्व सचिवमा पदस्थापन गर्ने निर्णय गरेको हो ।

यसअघिका राजस्व सचिव रामशरण पुडाशैनीले गत साउनमा अनिवार्य अवकास पाएपछि यो पद रिक्त थियो । सरकारले गत असारमा पुष्करलाई सचिवमा बढुवा गरेको थियो। बढुवा भएको २ महिनामै उनले अर्थ मन्त्रालयमा राजश्व सचिवको जिम्मेवारी पाएका हुन् ।