काठमाडौँ । नेपाल विद्युत प्राधिकरणको कार्यकारी निर्देशकमा कुलमान घिसिङलाई ल्याउने तयारी भएको  छ । प्रधानमन्त्री शेरबहादुर देउवाले प्राधिकरणको कार्यकारी निर्देशक घिसिङलाई बनाउने प्रक्रिया थाल्न निर्देशन दिएका हुन् ।

प्रधानमन्त्री देउवाले आज मंगलबार उर्जामन्त्री पम्फा भुसाललाई बालुवाटारमा बोलाएर प्राधिकरणका पूर्वकार्यकारी निर्देशक घिसिङलाई नियुक्त गर्ने प्रक्रिया सुरू गर्न निर्देशन दिएका हुन् । सोहि अनुसार उर्जामन्त्री भुसालले प्राधिकरणका हालका कार्यकारी निर्देशक हितेन्द्रदेव शाक्यलाई बोलाएर राजीनामा दिन आग्रह गरेकी छिन् ।